உலகக் கோப்பை கால்பந்து திருவிழா வரும் 11-ம் தேதி முதல் அமெரிக்கா, கனடா, மெக்ஸிகோ ஆகிய 3 நாடுகளில் 45 நாட்கள் நடைபெறவுள்ளது. இந்தப் போட்டியில் குரூப் ‘சி’ பிரிவில் பங்கேற்கும் பிரேசில், மொராக்கோ, ஹைதி, ஸ்காட்லாந்து ஆகிய அணிகளின் செயல்திறன், வீரர்களின் செயல்பாடு ஆகியவை இங்கு தொகுக்கப்பட்டுள்ளது.
மொராக்கோ
பயிற்சியாளர்: முகமது உவாஹ்பி
பிஃபா தரவரிசை: 7
தகுதி பெற்ற விதம்: ஆப்பிரிக்க கால்பந்து கூட்டமைப்பு தகுதி சுற்றில் ‘இ’ பிரிவில் முதலிடம் பிடித்து மொராக்கோ அணி உலகக் கோப்பை தொடருக்கு தகுதி பெற்றது.
உலகக் கோப்பையில் சிறப்பான செயல் திறன்: 2022-ம் ஆண்டு 4-வது இடம்
கடைசி உலகக் கோப்பை: 2022
பங்கேற்ற உலகக் கோப்பைகள்: 6
நட்சத்திரங்கள்
பிரஹிம் டயஸ்: நடுகள வீரராகவும், விங்கராகவும் அதிரடியாக விளையாடக்கூடிய திறமை படைத்தவர். அச்ரப் ஹக்கிமி, ஹக்கீம் ஜியேச் போன்ற உலகத்தரம் வாய்ந்த வீரர்களுடன் பிரஹிம் டயஸும் இணைந்திருப்பது மொராக்கோ அணியின் தாக்குதல் ஆட்டத்தை மேலும் வலுவாக்கியுள்ளது.
அசெடின் உனாஹி: மொராக்கோ அணியின் நடுகளத்தை வழிநடத்தக்கூடியவர். 2022-ம் ஆண்டை போன்று வரலாற்றுச் சாதனையை மொராக்கோ மீண்டும் நிகழ்த்த இவருடைய ஆட்டம் மிக அவசியமானதாகும்.
அச்ரப் ஹக்கிமி: மைதானத்தின் வலது பக்கத்திலிருந்து எதிரணியின் தற்காப்பைத் தகர்த்து, கோல் அடிப்பதற்கான வாய்ப்புகளை உருவாக்குவதில் முக்கியப் பங்காற்றும் தூணாக விளங்குகிறார். இவருடைய அபாரமான வேகமும் துல்லியமான பாஸ்களும் அணிக்கு மிகப்பெரிய பலமாகும்.
ஒட்டுமொத்த செயல் திறன்: 23 ஆட்டங்கள், 5 வெற்றி, 7 டிரா, 11 தோல்வி, 20 அடித்த கோல்கள், 27 வாங்கிய கோல்கள்
மோதல்
ஜூன் 13 vs பிரேசில்
ஜூன் 19 vs ஸ்காட்லாந்து
ஜூன் 24 vs ஹைதி
ஹைதி
பயிற்சியாளர்: செபாஸ்டியன் மிக்னே
பிஃபா தரவரிசை: 82
தகுதி பெற்ற விதம்: வடக்கு, மத்திய அமெரிக்க மற்றும் கரீபியன் நாடுகள் அடங்கிய கால்பந்து கூட்டமைப்பு தகுதி சுற்றில் தரவரிசை முன்னிலை காரணமாக நேரடியாக 2-வது சுற்றில்பங்கேற்ற ஹைதி 2-வது இடம் பிடித்து இறுதி சுற்றுக்கு முன்னேறியது. 12 அணிகள் பங்கேற்ற இறுதி சுற்றில் தனது பிரிவில் முதலிடம் பிடித்து உலகக் கோப்பை தொடரில் கால்பதித்தது.
உலகக் கோப்பையில் சிறப்பான செயல் திறன்: 1974-ம் ஆண்டு லீக் சுற்றுடன் வெளியேற்றம்
கடைசி உலகக் கோப்பை: 1974
பங்கேற்ற உலகக் கோப்பை: 1
நட்சத்திரங்கள்
டக்கன்ஸ் நாசோன்: தேசிய அணிக்காக 76 போட்டிகளில் 44 கோல்கள் அடித்துள்ள நாசோன், ஹைதியின் வரலாற்றில் அதிக கோல்கள் அடித்த வீரர் என்ற பெருமையைப் பெற்றுள்ளார். உலகக் கோப்பை தகுதிச் சுற்றில் கோஸ்டாரிகாவுக்கு எதிராக 3-3 என டிராவில் முடிவடைந்த ஆட்டத்தில் நாசோன் ஹாட்ரிக் கோல் அடித்திருந்தார்.
பாஃபா பிகால்ட்: ஹைதி அணி 52 ஆண்டுகளுக்குப் பிறகு ஹைதி அணி மீண்டும் உலகக் கோப்பைக்கு திரும்பியுள்ளது. இந்த வரலாற்றுச் சாதனையில் பிகால்ட்டின் அனுபவமிக்க ஆட்டம் அணிக்கு முக்கியப் பங்காற்றியுள்ளது.
ஃப்ரான்ஸ்டி பியரோட்: ஹைதி அணிக்காக 49 போட்டிகளில் விளையாடி 33 கோல்கள் அடித்துள்ள ஃப்ரான்ஸ்டி பியரோட், டக்கன்ஸ் நாசோன் இணைந்து தாக்குதல் ஆட்டம் மேற்கொள்ளக்கூடியவர்.
ஒட்டுமொத்த செயல் திறன்: 3 ஆட்டங்கள், 0 வெற்றி, 0 டிரா, 3 தோல்வி, 2 அடித்த கோல்கள், 14 வாங்கிய கோல்கள்
மோதல்
ஜூன் 13 vs ஸ்காட்லாந்து,
ஜூன் 19 vs பிரேசில்
ஜூன் 24 vs மொராக்கோ
பிரேசில்
பயிற்சியாளர்: கார்லோ அன்செலோட்டி
பிஃபா தரவரிசை: 6
தகுதி பெற்ற விதம்: தென் அமெரிக்க கால்பந்து கூட்டமைப்பு சார்பில் நடத்தப்பட்ட தகுதி சுற்று போட்டிகளில் 5-வது இடம் பிடித்து நேரடியாக உலகக் கோப்பையில் விளையாட தகுதி பெற்றிருந்தது.
உலகக் கோப்பையில் சிறப்பான செயல் திறன்: 1958, 1962, 1970, 1994, 2002-ம் ஆண்டுகளில் சாம்பியன்
கடைசி உலகக் கோப்பை: 2022, கால் இறுதி சுற்று
பங்கேற்ற உலகக் கோப்பைகள்: 22
நட்சத்திரங்கள்
நெய்மர்: 34 வயதாகும் நெய்மர், பிரேசில் தேசத்தின் வரலாற்றிலேயே அதிக கோல்கள் அடித்த வீரர் என்ற சாதனையைத் தன் வசம் வைத்துள்ளார். முழங்கால் காயத்திலிருந்து மீண்டு வந்துள்ள அவர், பிரேசில் அணிக்கு தனது அனுபவத்தின் மூலம் வழிகாட்ட உள்ளார்.
மார்கினியோஸ்: உலகின் மிகச்சிறந்த சென்ட்ரல் டிஃபெண்டர்களில் ஒருவராகக் கருதப்படுகிறார். மேலும், 2013-ல் பிரேசில் தேசிய அணிக்காக அறிமுகமானது முதல், அந்த அணியின் தற்காப்புப் பிரிவின் தூணாக விளங்கி வருகிறார்.
ராஃபின்ஹா: ராஃபின்ஹா பார்சிலோனா கிளப்பில் கோல் வேட்டையாடி வரும் இவர், பிரேசில் அணியின் தாக்குதல் ஆட்டத்திற்கு உயிர்நாடியாக மாறியுள்ளார்.
வினிசியஸ் ஜூனியர்: 25 வயதான விங்கரான வினிசியஸ், ரியல் மாட்ரிட் கிளப் அணிக்காக அசத்தலாக விளையாடி வருகிறார். இந்த ஆண்டின் மதிப்புமிக்க பாலன் டி’ஓர் விருதை வெல்லக்கூடிய முன்னணி வீரர்களில் ஒருவராகத் திகழ்கிறார்.
ஒட்டுமொத்த செயல் திறன்: 114 ஆட்டங்கள், 76 வெற்றி, 19 டிரா, 19 தோல்வி, 237 அடித்த கோல்கள், 108 வாங்கிய கோல்கள்
மோதல்
ஜூன் 13 vs மொராக்கோ
ஜூன் 13 vs மொராக்கோ
ஜூன் 24 vs ஸ்காட்லாந்து
ஸ்காட்லாந்து
பயிற்சியாளர்: ஸ்டீவ் கிளார்க்
பிஃபா தரவரிசை: 43
தகுதி பெற்ற விதம்: ஐரோப்பிய கால்பந்து சங்க கூட்டமைப்பு தகுதி சுற்றில் ‘சி’ பிரிவில் முதலிடம் பிடித்து ஸ்காட்லாந்து அணி உலகக் கோப்பை தொடருக்கு தகுதி பெற்றது.
உலகக் கோப்பையில் சிறப்பான செயல் திறன்: லீக் சுற்றுகளுடன் வெளியேற்றம்
கடைசி உலகக் கோப்பை: 1998
பங்கேற்ற உலகக் கோப்பைகள்: 9
நட்சத்திரங்கள்
ஸ்காட் மெக்டொமினே: சமீபகாலமாக அபாரமான கோல்-ஸ்கோரராக ஸ்காட் மெக்டொமினே உருவெடுத்துள்ளார். ஸ்காட்லாந்து தேசிய அணிக்காக கடந்த 30 போட்டிகளில் அவர் 10 கோல்களை அடித்து அசத்தியுள்ளார்.
ஆண்டி ராபர்ட்சன்: 32 வயதான ஆண்டி ராபர்ட்சன் கிளப் மட்டத்தில் லிவர்பூல் அணியின் தற்காப்பு மற்றும் தாக்குதல் ஆட்டத்தில் தவிர்க்க முடியாத முக்கிய வீரராகவே விளங்கி வருகிறார். இம்முறை கேப்டனாக ஸ்காட்லாந்து அணியை வழிநடத்த உள்ளார்.
ஜான் மேக்கின்: ஆஸ்டன் வில்லா கிளப் மற்றும் ஸ்காட்லாந்து தேசிய அணியில் தவிர்க்க முடியாத தூணாக விளங்குகிறார் ஜான் மேக்கின். நடுகள வீரரான அவர், மைதானத்தில் பந்தைக் கடத்துவதிலும், எதிரணியின் திட்டங்களை முறியடிப்பதிலும் சிறப்பாக செயல்படக்கூடியவர்.
ஒட்டுமொத்த செயல் திறன்: 23 ஆட்டங்கள், 4 வெற்றி, 7 டிரா, 12 தோல்வி, 25 அடித்த கோல்கள், 41 வாங்கிய கோல்கள்
மோதல்
ஜூன் 13 vs ஹைதி
ஜூன் 19 vs மொராக்கோ
ஜூன் 24 vs பிரேசில்
