குருந்தன்கோடு அருகே காடேற்றி குளத்திலிருந்து இளைஞா் சடலம் சனிக்கிழமை மீட்கப்பட்ட சம்பவத்தில் அவரது நண்பா்கள் மூவரை இரணியல் போலீஸாா் ஞாயிற்றுக்கிழமை கைது செய்தனா்.
குருந்தன்கோடு, காடேற்றி குளத்திலிருந்து திட்டுவிளை, வடக்கு மாா்த்தால் பாலத்து தெருவைச் சோ்ந்த, டைல்ஸ் தொழிலாளி ஆல்வின் ராஜேஷ் (31) என்ற இளைஞரின் சடலம் ரத்த காயங்களுடன் மீட்கப்பட்டது.
இதுகுறித்து, அவரது சகோதரி மங்கல ரமீலா இரணியல் காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து சந்தேகத்தின்பேரில் ஆல்வின் ராஜேஷின் நண்பா்களான முக்கலம்பாடு, ஜோசப் மகன் சாா்லஸ் ஜோஸ் (36 ), சாந்தபுரம் செல்வகுமாா் மகன் சுபின் (21), செக்காரவிளை தங்கப்பன் மகன் சுமன் (40) ஆகியோரைப் பிடித்து விசாரணை நடத்தினா்.
விசாரணையில் நான்கு பேரும் காடேற்றி குளக்கரையில் அமா்ந்து வெள்ளிக்கிழமை இரவு மது அருந்தியதும், அப்போது சாா்லஸ் ஜோஸின் மனைவி குறித்து ஆல்வின் ராஜேஷ் தவறாகப் பேசியதும், ஆத்திரமடைந்த சக நண்பா்கள் மூவரும் சோ்ந்து ஆல்வின் ராஜேஷை கொலை செய்து குளத்தில் வீசியதையும் ஒப்புக்கொண்டனா். இதையடுத்து, மூவரையும் ஞாயிற்றுக்கிழமை கைதுசெய்த போலீஸாா் நீதிமன்றத்தில் முன்னிலைப்படுத்தி சிறையில் அடைத்தனா்.
