கன்னியாகுமரி மாவட்டத்தில் குழந்தைகள் தினத்தன்று பள்ளி மாணவா், மாணவிகளுக்கு கேக், வாழ்த்து அட்டைகள் வழங்கப்படவுள்ள நிலையில், முன்னேற்பாடு பணிகளை மாவட்ட ஆட்சியா் மு.பிரதாப் தலைமையில் கன்னியாகுமரி மாவட்ட கண்காணிப்பு அலுவலா் பிரபுசங்கா் வியாழக்கிழமை ஆய்வு செய்தாா்.
தோவாளை அரசு மேல்நிலைப் பள்ளி, நாகா்கோவில் எஸ்.எல்.பி. அரசு மேல்நிலைப் பள்ளிகளில் ஏற்பாடுகளை ஆய்வு செய்த பிறகு பிரபு சங்கா் செய்தியாளா்களிடம் கூறியதாவது:
பள்ளிக்கல்வித் துறை சாா்பில் கன்னியாகுமரி மாவட்டத்தில் 795 அரசு, அரசு உதவிபெறும் பள்ளிகளில் பயிலும் 11 லட்சத்து 5 ஆயிரத்து 475 மாணவா், மாணவிகள், 70 ஆயிரத்து 41 ஆசிரியா்கள், 695 ஆசிரியா் அல்லாத பணியாளா்களுக்கு வழங்குவதற்காக கேக், மாணவா்களுக்கு வாழ்த்து அட்டைகள் பள்ளிகளுக்கு அனுப்பி வைக்கப்பட்டு பாதுகாப்பாக இருப்பு வைக்கப்பட்டுள்ளது. கேக், அதன் தரம் குறித்து ஆய்வு செய்யப்பட்டது. குழந்தைகள் தினமான நவ. 13- ஆம் தேதி பள்ளிகளில் கேக்குகள் வழங்கி உற்சாகமாக கொண்டாடப்படவுள்ளது என்றாா்அவா்.
அதைத் தொடா்ந்து மாவட்ட ஆட்சியா் அலுவலக வருவாய் கூட்டரங்கில் துறை அலுவலா்களுடன் கலந்தாய்வுக் கூட்டம் நடைபெற்றது. நிகழ்ச்சியில் மாவட்ட வருவாய் அலுவலா் மு.வேலுமணி, ஊரக வளா்ச்சி முகமை திட்ட இயக்குநா் சாய் சரண் ரெட்டி, நாகா்கோவில் மாநகராட்சி ஆணையா் ஆா்.ஐஸ்வா்யா, ஆட்சியரின் நோ்முக உதவியாளா் (பொது) எஸ்.காளீஸ்வரி, உதவி ஆட்சியா் (பயிற்சி) மோனிகா, மாவட்ட முதன்மைக் கல்வி அலுவலா் பிரின்ஸ் ஆரோக்கிய ராஜ், தலைமை ஆசிரியா்கள், ஆசிரியா்கள் உள்பட பலா் கலந்து கொண்டனா்.
