நடிகர் சிவகார்த்திகேயன் நடித்துள்ள ‘மதராஸி’ படம் செப்.5-ல் வெளியாக இருக்கிறது. இப்போது சுதா கொங்கரா இயக்கும் ‘பராசக்தி’ படத்தில் நடித்து வருகிறார்.
இதையடுத்து வெங்கட் பிரபு இயக்கத்தில் நடிக்க இருக்கிறார். விஜய் நடித்த ‘த கோட்’ படத்தை அடுத்து அவர் இயக்கும் படம் இது. ‘த கோட்’ படத்தில் சிவகார்த்திகேயன் கவுரவ வேடத்தில் நடித்திருந்தார். இதன் படப்பிடிப்பு நவம்பரில் தொடங்கும் என்று கூறப்படுகிறது. இந்த படம் டைம் டிராவல் சம்மந்தப்பட்ட சயின்ஸ் பிக்ஷன் கதை.
இதில் கல்யாணி பிரியதர்ஷன், கயாது லோஹர் ஆகியோர் நாயகிகளாக நடிக்க இருக்கின்றனர். வெங்கட்பிரபுவின் ‘மாநாடு’, சிவகார்த்திகேயன் ‘ஹீரோ’ படங்களில் கல்யாணி ஏற்கெனவே நடித்திருந்தார். ‘டிராகன்’ மூலம் தமிழில் அறிமுகமான கயாது லோஹர், ‘இதயம் முரளி’, சிம்புவின் 49-வது படம் என நடித்து வருகிறார்.
