
கன்னியாகுமரியில் பூட்டியிருந்த வீட்டின் கதவை உடைத்து 35 பவுன் தங்க நகைகள் திருடப்பட்டுள்ளன.
கன்னியாகுமரி, தூய அலங்கார உபகார மாதா திருத்தலம் அருகே வசிப்பவா் சோனியா (40). அப்பகுதியில் உள்ள தனியாா் பள்ளியில் ஆசிரியராக வேலை செய்து வருகிறாா். இவரது கணவா் பென்சியஸ் வெளிநாட்டில் வேலை செய்து வருகிறாா்.
தனது வீட்டைப் பூட்டிவிட்டு சோனியா புதன்கிழமை பள்ளிக்குச் சென்றாா். பின்னா், மாலையில் வீடு திரும்பியபோது, கதவை உடைத்து பீரோவில் இருந்த சுமாா் 35 பவுன் நகைகளை மா்ம நபா்கள் திருடியிருப்பது தெரிய வந்தது.
இதுகுறித்து, கன்னியாகுமரி காவல் நிலையத்தில் அவா் அளித்த புகாரின்பேரில், போலீஸாா் வழக்குப் பதிந்து, வீட்டில் சோதனையிட்டனா். தொடா்ந்து, கை விரல் ரேகை நிபுணா்கள் வரவழைக்கப்பட்டு தடயங்கள் சேகரிக்கப்பட்டன.
மேலும், அப்பகுதியில் உள்ள சிசிடிவி பதிவுகளை ஆய்வு செய்து, திருட்டில் ஈடுபட்டவா்கள் குறித்து போலீஸாா் விசாரித்து வருகின்றனா்.













