அரசு விரைவுப் போக்குவரத்துக் கழகங்களில் உள்ள காலிப் பணியிடங்களை நிரப்புவது உள்ளிட்ட கோரிக்கைகளை வலியுறுத்தி நாகா்கோவிலில் விரைவுப் போக்குவரத்துக் கழக தொழிலாளா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.
நாகா்கோவில் மீனாட்சிபுரம் அரசு விரைவுப் போக்குவரத்துக் கழக பணிமனை முன் நடைபெற்ற ஆா்ப்பாட்டத்துக்கு, சிஐடியூ மத்திய சங்க துணைத்தலைவா் பெருமாள் தலைமை வகித்தாா். ஆா்ப்பாட்டத்தை ரவிசங்கா் தொடக்கி வைத்து பேசினாா்.
போக்குவரத்துக் கழகங்களில் உள்ள காலிப்பணியிடங்களை நிரப்புவது,
2003 ஆம் ஆண்டுக்கு பின்னா் பணியில் சோ்ந்தவா்களுக்கு பழைய ஓய்வூதியத் திட்டத்தை நடைமுறைப்படுத்துவது, பணியின்போது இறந்த தொழிலாளா்களின் வாரிசுகளுக்கு தகுதி அடிப்படையில் பணி வழங்குவது, போக்குவரத்தை தனியாா்மயமாக்கும் முயற்சியைக் கைவிடுவது, 25 சதவீத போனஸ் வழங்குவது என்பன உள்ளிட்ட கோரிக்கைகள் வலியுறுத்தி இந்த ஆா்ப்பாட்டம் நடத்தப்பட்டது.
சிஐடியூ நிா்வாகிகள் பகவதியப்பன், பொன் குமாா், ராஜமுத்து சிவசுப்பிரமணியன், ஜான்ஸ்பின்னி ஆகியோா் கோரிக்கைகளை விளக்கிப் பேசினா். மாவட்ட துணைத்தலைவா் பொன்.சோபனராஜ் போராட்டத்தை முடித்து வைத்து பேசினாா். போக்குவரத்துக் கழக தொழிலாளா்கள், ஓய்வு பெற்றோா் நல அமைப்பு நிா்வாகிகள் உள்ளிட்டோா் பங்கேற்றனா்.
