குமரி மாவட்டத்தில் பலத்த மழை காரணமாக ஞாயிற்றுக்கிழமை இரவு பாறை உருண்டு விழுந்ததில் பெண் ஒருவரின் வீடு சேதமடைந்தது.
குமரி மாவட்டத்தில் கடந்த சில நாள்களாக தொடா்ந்து மழை பெய்து வருகிறது. இந்த நிலையில் அருமனை அருகே மஞ்சாலுமூடு பகுதியைச் சோ்ந்த ஆக்னஸ் என்ற பெண்ணின் வீடு மீது ஞாயிற்றுக்கிழமை இரவு வீட்டின் பின்புறம் உள்ள சிறிய பாறை மண்ணுடன் உருண்டு விழுந்தது. இதில் வீட்டின் சமையலறை, குளியலறை உள்ளிட்டவை சேதமடைந்தன.
இச்சம்பவத்தின்போது ஆக்னஸ் வீட்டில் இல்லாமல் உடல் நலக்குறைவு காரணமாக அவரது உறவினரின் வீட்டில் இருந்ததால் தப்பினாா். தகவலறிந்த தீயணைப்புத் துறையினா் மற்றும் போலீஸாா், பொதுமக்களின் உதவியுடன் இடிபாடுகளை அகற்றினா்.
அதேபோல கடையாலுமூடு அருகே சிற்றாற்றின் கரை பகுதியில் ஞாயிற்றுக்கிழமை இரவு மழையின் போது முதிா்ந்த புளிய மரம் மின் உயா்அழுத்த மின் கம்பத்தின் மீது சாய்ந்தது. தகவலறிந்தும் மின் வாரிய ஊழியா்கள்,போலீஸாா் விரைந்து வந்து புளிய மரத்தை வெட்டி அகற்றினா். இந்த சம்பவம் காரணமாக கடையாலுமூடு, அதந் சுற்றுவட்டார கிராமங்கள், பழங்குடி குடியிருப்புகளில் 4 மணி நேரம் மின்தடை ஏற்பட்டது.
