இங்கிலாந்து – பாகிஸ்தான் அணிகள் இடையிலான முதல் டெஸ்ட் போட்டி லீட்ஸ் மைதானத்தில் நேற்று தொடங்கியது.
முதலில் பேட் செய்த பாகிஸ்தான் அணி 48.1 ஓவர்களில் 171 ரன்களுக்கு அனைத்து விக்கெட்களையும் இழந்தது. அஸான் அவாய்ஸ் 0, இமாம் உல்ஹக் 42, ஷான் மசூத் 5, அப்துல்லா ஷபிக் 61, சவுத் ஷகீல் 5, கேப்டன் சல்மான் ஆகா 21, உஸ்மான் அலி 0, முகமது ரிஸ்வான் 12, குர்ராம் ஷாஸாத் 14, முகமது அப்பாஸ் 2 ரன்களில் ஆட்டமிழந்தனர். முகமது அலி ஆட்டமிழக்காமல் இருந்தார். இங்கிலாந்து அணி சார்பில் ஆலி ராபின்சன் 5, ஜோஷ் டங்க் 5 விக்கெட்களை வீழ்த்தியிருந்தனர்.
இதில் ஆலி ராபின்சன் 18 ஓவர்கள் வீசி 51 ரன்கள் மட்டுமே கொடுத்து 5 விக்கெட்டுகளை கைப்பற்றி இருந்தார். அவர் மூன்று மெய்டன் ஓவர்களை வீசி இருந்தார்.
தொடர்ந்து இங்கிலாந்து அணி அதன் முதல் இன்னிங்ஸ் ஆட்டத்தை தொடங்கியது. பென் டக்கெட் 15, எமிலியோ 33 ரன்கள் எடுத்து ஆட்டமிழந்தனர். ஜோர்டன் காக்ஸ் 23 மற்றும் கேப்டன் ஜோ ரூட் 37 ரன்களுடன் களத்தில் உள்ளனர்.
முதல் நாள் ஆட்ட நேர முடிவில் இங்கிலாந்து அணி 25 ஓவர்களில் 2 விக்கெட் இழப்புக்கு 112 ரன்கள் எடுத்திருந்தது. அந்த அணி பாகிஸ்தானை காட்டிலும் வெறும் 59 ரன்கள் மட்டுமே பின்தங்கி உள்ளது.
