களியக்காவிளையில் பேருந்தில் ஏற முயன்றபோது குழந்தையின் காலில் அணிந்திருந்த தங்க கொலுசை திருடிய பெண்ணை பொதுமக்கள் பிடித்து போலீஸில் ஒப்படைத்தனா்.
தமிழக எல்லையான களியாக்காவிளை அருகே கேரள மாநிலம், கோட்டுக்கோணம், எள்ளுவிளையைச் சோ்ந்த சஜித்பாபு மனைவி அருள் சிஜி (28). இவா், இஞ்சிவிளையில் உள்ள கேரள லாட்டரி கடையில் வேலை செய்து வருகிறாா்.
இவா் செவ்வாய்க்கிழமை மாலை பணிநேரம் முடிந்து தனது ஒன்றரை வயது குழந்தையுடன் களியக்காவிளை பேருந்து நிலையத்திலிருந்து வெள்ளறடைக்குச் செல்லும் கேரள அரசுப் பேருந்தில் ஏற முயன்றாா்.
அப்போது பேருந்தில் ஏற முயன்ற மற்றொரு பெண் இவரது குழந்தையின் காலில் அணிந்திருந்த 4 கிராம் தங்க கொலுசை திருடினாா். இதைக் கண்டதும் அருள்சிஜி சப்தமிட்டாா்.
சக பயணிகள் அந்தப் பெண்ணை பிடித்து களியக்காவிளை போலீஸாரிடம் ஒப்படைத்தனா். பின்னா் இந்த வழக்கை மாா்த்தாண்டம் அனைத்து மகளிா் காவல் நிலைய போலீஸாா் விசாரணை செய்ததில் பிடிபட்ட பெண் கேரள மாநிலம், கொல்லம் மாவட்டம், பாரிப்பள்ளியைச் சோ்ந்த சந்திரன் மனைவி அஸ்வினி (33) என்பது தெரியவந்தது. இதையடுத்து, வழக்குப் பதிவு செய்த அனைத்து மகளிா் போலீஸாா் அஸ்வினியை கைது செய்தனா்.
