ஆசிய விளையாட்டுப் போட்டியில் மூன்று பதக்கங்கள் வென்ற வித்யா ராம்ராஜை நேரில் அழைத்து நடிகர் தனுஷ் பாராட்டு தெரிவித்துள்ளார்.
ஜப்பானில் நடந்து முடிந்த 20-வது ஆசிய விளையாட்டுப் போட்டியில் தமிழகத்தைச் சேர்ந்த தடகள வீராங்கனை வித்யா ராம்ராஜ் மகளிருக்கான 4×400 மீட்டர் தொடர் ஓட்டப் போட்டியின் இறுதிச் சுற்றின் இறுதிப் பகுதியில் அபாரமாக ஓடி தங்கம் வெல்லும் இந்தியாவின் கனவை நனவாக்கினார்.
அதேபோல் கலப்பு 4×400 மீட்டர் தொடர் ஓட்டப் போட்டியில் வெள்ளிப் பதக்கம் வென்றிருந்தவர், 400 மீட்டர் தடை ஓட்டத்தில் 54.75 விநாடிகளில் இலக்கைக் கடந்து வெண்கலம் வென்றதுடன், ஜாம்பவான் பி.டி. உஷாவின் 42 ஆண்டுகால தேசிய சாதனையை முறியடித்திருந்தார்.
இந்தநிலையில், இவர் அக்டோபர் 3-ம் தேதி சொந்த ஊரான கோவைக்கு திரும்பினார். ஆசிய விளையாட்டு போட்டியில் சாதனை படைத்து திரும்பி இருக்கும் தடகள வீராங்கனை வித்யாவை அரசியல் தலைவர்கள் பாராட்டி வரும் நிலையில், தற்போது நடிகர் தனுஷ், அவரை நேரில் அழைத்து பாராட்டு தெரிவித்துள்ளார்.
