தமிழ் சினிமாவின் முன்னணி ஒளிப்பதிவாளர் வேல்ராஜ். வெற்றிமாறனின் ‘பொல்லாதவன்’, ‘ஆடுகளம்’, ‘வட சென்னை’, ‘அசுரன்’, ‘விடுதலை’ உள்பட பல படங்களுக்கு ஒளிப்பதிவு செய்துள்ள இவர், தனுஷின் ‘வேலையில்லா பட்டதாரி’, ‘தங்கமகன்’ ஆகிய படங்களை இயக்கி உள்ளார்.
இவர் இப்போது, பிளாக்மேஜிக் அர்சா சினி 17கே 65 எம்எம் (Blackmagic URSA Cine 17K 65mm) என்ற அதீத திறன் கொண்ட நவீன டிஜிட்டல் கேமராவை வாங்கி இருக்கிறார்.
இந்தியாவிலேயே, குறிப்பாகத் தமிழ் சினிமாவில் இந்த 17கே தொழில்நுட்பத்தைப் பயன்படுத்தும் முதல் ஒளிப்பதிவாளர் வேல்ராஜ் என்கிறார்கள். இதுபற்றி வேல்ராஜிடம் கேட்டபோது, “இது, சாதாரண கேமராக்களை விட பல மடங்கு அதிக தெளிவு மற்றும் ஆழமான காட்சிகளை வழங்கும். இது தமிழ் சினிமாவின் மேக்கிங்கை உலகத் தரத்துக்கு உயர்த்தும் முயற்சி” என்றார்.
