சென்னை கால்பந்து சங்கம் சார்பில் சீனியர் டிவிஷன் லீக் 2025-26 போட்டிகள் இன்று (5-ம் தேதி) செனாய் நகரில் உள்ள பாவேந்தர் பாரதிதாசன் கால்பந்து மைதானத்தில் தொடங்குகிறது.
இதில் தளபதி ஸ்டாலின் எஃப்சி, வருமான வரித்துறை ஆர்சி, மத்திய கலால் துறை, ஆக்டோபஸ் மரைன், ஐசிஎஃப், சென்னை நகர காவல்துறை, இந்தியன் வங்கி எஸ்&ஆர்சி, டிபிஒய்சி கீழ்ப்பாக்கம், சென்னை சுங்கவரித்துறை, தமிழக காவல்துறை,தாவூத் மெமோரியல் எஃப்சி, ஏஜிஓஆர்சி ஆகிய 12 அணிகள் கலந்து கொள்கின்றன.
போட்டியின் தொடக்க விழா இன்று மாலை 3.30 மணிக்கு நடைபெறுகிறது. இதில் தமிழ்நாடு மெர்க்கண்டைல் வங்கியின் துணைத் தலைவர் பி.ராஜவேல், எம்எல்ஏ-க்கள் எம்.கே.மோகன், பி.தாயகம்கவி மற்றும் கார்த்திக் மோகன், கவுன்சிலர் எம்.சரவணன், எஸ்.கணேஷ், கே.ராணி, ஆர்.ராதாகிருஷ்ணன், ஆர்.செந்தில்குமார், சென்னை கால்பந்து சங்க துணைத் தலைவர் டி.ரமேஷ் பாபு உள்ளிட்டோர் கலந்து கொள்கின்றனர்.
