மணிவண்ணன் இயக்கத்தில் சத்யராஜ், ரஞ்சிதா, குயிலி, கஸ்தூரி உள்பட பலர் நடித்து 1994-ம் ஆண்டு வெளியான திரைப்படம், ‘அமைதிப்படை’. அரசியல் நையாண்டி படமான இது, வரவேற்பைப் பெற்றது.
இப்படத்தின் வசனங்கள் இப்போது வரை டிரெண்டிங்கில் இருக்கின்றது. தமிழகத்தில் சட்டப்பேரவை தேர்தல் களம் சூடு பிடித்துள்ள நிலையில், இன்றைய அரசியல் சூழலுக்கும் இப்படம் பொருந்தும் என்பதால், 32 ஆண்டுகளுக்கு முன்பு வெளியான ‘அமைதிப்படை’ படத்தை ரீ ரிலீஸ் செய்ய உள்ளனர்.
4கே தொழில்நுட்பத்தில் டால்பி ஒலியுடன் ஸ்பேரோ சினிமாஸ் கார்த்திக் வெங்கடேசன் வெளியிட இருக்கிறார். இந்தியாவின் பிற பகுதிகளுக்கும் இக்கதை பொருந்தும் என்பதால் தமிழ்நாடு, ஆந்திரா, தெலங்கானா, கேரளா, கர்நாடகா ஆகிய 5 மாநிலங்களில் வெளியிடத் திட்டமிட்டுள்ளனர்.
