கவின், ஆண்ட்ரியா முன்னணி கதாபாத்திரங்களில் நடித்துள்ள ‘மாஸ்க்’ படத்தின் ட்ரெய்லர் வெளியாகியுள்ளது.
கவின் நடித்துள்ள டார்க் காமெடி த்ரில்லர் படம், ‘மாஸ்க்’. அவர் ஜோடியாக ருஹானி சர்மா நடிக்கிறார். சார்லி, ரமேஷ் திலக், கல்லூரி வினோத், அர்ச்சனா சந்தோக் ஆகியோர் முக்கிய வேடங்களில் நடித்துள்ளனர். ஆண்ட்ரியா இப்படத்தை தயாரித்து, படத்தில் எதிர்மறை கதாபாத்திரத்திலும் நடித்துள்ளார். விகர்ணன் அசோக் படத்தை இயக்கி அறிமுகமாகிறார். ஜி.வி.பிரகாஷ் குமார் இசையமைத்துள்ளார். இப்படம் வரும் 21ஆம் தேதி திரையரங்குகளில் வெளியாகிறது.
ட்ரெய்லர் எப்படி? – எம்.ஆர்.ராதா முகமூடி, இதுவரை பார்க்காத கதாபாத்திரத்தில் ஆண்ட்ரியா, விறுவிறுப்பான ட்ரெய்லர் கட் என பல சுவாரசியங்கள் படத்தின் மீதான எதிர்பார்ப்பை அதிகரிக்கிறது. மிடில் கிளாஸ் பிரச்சினைகளை பேசும் வாய்ஸ் ஓவருடன் தொடங்கும் ட்ரெய்லர் அடுத்தடுத்து ஹீரோ கவின், வில்லி ஆண்ட்ரியாவை சுற்றி நகர்கிறது. வெற்றிமாறன் மேற்பார்வை என்று வரும் இடத்தில் படத்தின் மீதான நம்பிக்கை அதிகமாகிறது. நெல்சன் படங்களின் பாணியிலான டார்க் காமெடி, அவை ட்ரெய்லரில் பயன்படுத்தப்பட்ட விதம் சிறப்பு. ஜி.வி.பிரகாஷின் பின்னணி இசை ட்ரெய்லருக்கு வலு சேர்க்கிறது.
