இந்தியா – மேற்கு இந்தியத் தீவுகள் அணிகள் இடையிலான 2-வது டி20 கிரிக்கெட் போட்டி ராஞ்சியில் உள்ள ஜேஎஸ்சிஏ சர்வதேச மைதானத்தில் இன்று இரவு 7 மணிக்கு நடைபெறுகிறது.
இரு அணிகள் இடையிலான 5 ஆட்டங்கள் கொண்ட டி20 தொடரில் லக்னோவில் நடைபெற்ற முதல் போட்டியில் இந்திய அணி 8 விக்கெட்கள் வித்தியாசத்தில் வெற்றி பெற்றிருந்தது. இதன் மூலம் தொடரில் இந்திய அணி 1-0 என முன்னிலை வகிக்கிறது.
முதல் போட்டியில் 172 ரன்கள் இலக்கை விரட்டிய இந்திய அணி கேப்டன் ஸ்ரேயஸ் ஐயரின் அதிரடியால் 14.4 ஓவர்களிலேயே வெற்றி கண்டிருந்தது. தனது முதல் சதத்தை விளாசி தன் மீதான விமர்சனங்களுக்கு பதிலடி கொடுத்துள்ள ஸ்ரேயஸ் ஐயரிடம் இருந்து மேலும் ஒரு சிறந்த மட்டைவீச்சு வெளிப்படக்கூடும்.
அதேவேளையில் கடந்த 4 ஆட்டங்களில் முறையே 9, 7, 2, 11 ரன்கள் மட்டுமே சேர்த்துள்ள சஞ்சு சாம்சன் தனது இடத்தை அணியில் தக்கவைத்துக் கொள்ள வேண்டுமென்றால் உயர்மட்ட செயல் திறனை வெளிப்படுத்தியாக வேண்டும் என்ற நெருக்கடியுடன் களமிறங்குகிறார்.
முதல் போட்டியில் 19.1 ஓவர்களில் 171 ரன்களுக்கு ஆட்டமிழந்த மேற்கிந்தியத் தீவுகள் அணி, இன்றைய ஆட்டத்தில் பெரிய அளவிலான ஸ்கோரை குவிப்பதில் தீவிரம் காட்டக்கூடும்.
