பிராயா: 2026-ம் ஆண்டு பிபா உலகக் கோப்பை கால்பந்து போட்டியை அமெரிக்கா, கனடா, மெக்சிகோ ஆகிய 3 நாடுகள் இணைந்து நடத்தவுள்ளன.
இந்தப் போட்டியில் பங்கேற்கும் அணிகள் தகுதிச் சுற்றுப் போட்டிகள் மூலம் தேர்வு செய்யப்படும். இந்நிலையில் ஆப்பிரிக்க மண்டல பிரிவில் தகுதிச் சுற்றுப் போட்டிகள் நடைபெற்றன. இதில் நேற்று முன்தினம் நடைபெற்ற போட்டியில் கேப் வெர்டே அணியும், எஸ்வாட்டினி அணியும் மோதின.
இதில் கேப் வெர்டே 3-0 என்ற கணக்கில் எஸ்வாட்டினி அணியை வீழ்த்தி உலகக் கோப்பை போட்டிக்கு முதல் முறையாக தகுதி பெற்றது. இந்த நாட்டின் மக்கள் தொகை 5.93 லட்சம் மட்டும்தான். இதன் மூலம் உலகக் கோப்பை கால்பந்து தொடருக்கு முன்னேறிய மிகக்குறைந்த அளவிலான மக்கள்தொகை கொண்ட நாடுகள் பட்டியலில் 2-வது இடத்தைப் பிடித்துள்ளது கேப் வெர்டே.
இதற்கு முன்னதாக 2018-ம் ஆண்டு ஐஸ்லாந்து லகக் கோப்பை கால்பந்து தொடருக்கு தகுதி பெற்று மிகக்குறைந்த அளவிலான மக்கள்தொகை கொண்ட நாடு என்ற பெருமையை பெற்றது. அப்போது அந்த நாட்டின் மக்கள்தொகை 4 லட்சத்துக்கும் குறைவுதான்.
