அமெரிக்காவின் இந்தியன் வெல்ஸ் நகரில் இந்தியன் வெல்ஸ் மாஸ்டர்ஸ் டென்னிஸ் தொடர் நடைபெற்று வருகிறது. இதில் ஆடவர் இரட்டையர் பிரிவில் கால் இறுதிக்கு முந்தைய சுற்றில் இந்தியாவின் யுகி பாம்ப்ரி, சுவீடனின் ஆண்ட்ரே கோரன்சன் ஜோடி, செக்குடியரசின் ஜிரி லெஹெக்கா, நெதர்லாந்தின் சாண்டர் அரெண்ட்ஸ் ஜோடியை எதிர்த்து விளையாடியது.
ஒரு மணி நேரம் 14 நிமிடங்கள் நடைபெற்ற இந்த ஆட்டத்தில் யுகி பாம்ப்ரி, ஆண்ட்ரே கோரன்சன் ஜோடி 6-4, 6-4 என்ற நேர் செட் கணக்கில் வெற்றி பெற்று கால் இறுதி சுற்றுக்கு முன்னேறியது. கால் இறுதி சுற்றில் பாம்ப்ரி, கோரன்சன் ஜோடியானது ஆஸ்திரியாவின் அலெக்சாண்டர் எர்லர், இத்தாலியின் ஆண்ட்ரியா வவாசோரி ஜோடியுடன் பலப்பரீட்சை நடத்துகிறது.
