டர்பனில் நடைபெற்று வரும் ஆஸ்திரேலியா மற்றும் தென் ஆப்பிரிக்கா அணிகளுக்கு இடையிலான முதல் டெஸ்ட் போட்டியின் 3-ம் நாள் ஆட்டத்தில் ஆஸ்திரேலிய தரப்பில் பாட் கம்மின்ஸ் 3 விக்கெட்டுகளையும், மிட்செல் ஸ்டார்க் 2 விக்கெட்டுகளையும், ஜோஷ் ஹேசில்வுட் 2 விக்கெட்டுகளையும், நேதன் லயன் 2 விக்கெட்டுகளையும் கைப்பற்ற தென் ஆப்பிரிக்கா அணி முதல் இன்னிங்ஸில் 284 ரன்களுக்கு சுருண்டது.
தொடர்ந்து இரண்டாவது இன்னிங்ஸை தொடங்கிய ஆஸ்திரேலியா, ஆட்டநேர முடிவில் 5.4 ஓவர்களில் விக்கெட் இழப்பின்றி 33 ரன்கள் எடுத்திருந்தது. நிக் மேடின்சன் 17 ரன்களுடனும், டிராவிஸ் ஹெட் 10 ரன்களுடனும் களத்தில் இருந்தனர். மோசமான வெளிச்சம் காரணமாக மீண்டும் ஆட்டம் முன்கூட்டியே நிறுத்தப்பட்டது. இதனால் அன்றைய ஆட்டத்தில் சுமார் 13 ஓவர்கள் வீணானது.
தென் ஆப்பிரிக்கா கேப்டன் தெம்பா பவுமாவுக்கு ஆஸ்திரேலியாவின் பவுலிங்கும் பீல்டிங்கும் கடும் நெருக்கடியைக் கொடுக்க, ரிவர்ஸ் ஸ்வீப் ஆட நிர்பந்திக்கப்பட்டு ஸ்மித் கையில் கேட்ச் கொடுத்து 3 ரன்களில் வெளியேற்றியது. அது ஆஸ்திரேலிய அணி டெஸ்ட் கிரிக்கெட்டை ஆடும் திறமைக்கு ஒரு சான்று என்பது போல இருந்தது.
இரண்டாம் நாள் ஆட்டத்தின் தொடக்கத்தில் 27 ரன்களுக்கு ஒரு விக்கெட்டை இழந்திருந்த தென்னாப்பிரிக்கா, மதிய உணவு இடைவேளையில் 115 ரன்களுக்கு 4 விக்கெட்டுகளை இழந்திருந்தது. எய்டன் மார்க்ரம் 37 ரன்களும், பெடிங்ஹம் 49 ரன்களும் எடுத்தனர். இருவரும் இணைந்து 2-வது விக்கெட்டுக்கு 84 ரன்கள் சேர்த்தனர்.
21-வது ஓவரில் மிட்செல் ஸ்டார்க் வீசிய பந்தை மார்க்ரம் ஸ்லிப்பில் எட்ஜ் செய்து கேட்ச் கொடுத்து வெளியேறினார். முதல் ஒரு மணி நேரத்தில் தென்னாப்பிரிக்கா 59 ரன்கள் சேர்த்தது. இரண்டாவது ஒரு மணி நேரத்தில் நேதன் லயன் பந்துவீச்சில் தெம்பா பவுமா 3 ரன்களில் ஆட்டமிழந்தார். ரிவர்ஸ் ஸ்வீப் ஆட முயன்ற பவுமாவின் கேட்சை ஸ்டீவ் ஸ்மித் சிறப்பாகப் பிடித்தார்.
அதன்பின் கேப்டன் பாட் கம்மின்ஸ், பெடிங்ஹாமை ஸ்லிப்பில் கேட்ச் செய்ய வைத்து ஆட்டமிழக்கச் செய்தார். ஸ்டீவ் ஸ்மித் தனது இடதுபுறம் பாய்ந்து அந்த கேட்சையும் அபாரமாகப் பிடித்தார்.
மதிய உணவுக்குப் பிறகு கம்மின்ஸ் மீண்டும் தாக்கத்தை ஏற்படுத்தினார். வியான் முல்டர் 50 பந்துகளில் 30 ரன்கள் எடுத்த நிலையில் ஆட்டமிழந்தார். இதில் 3 பவுண்டரிகளும் ஒரு சிக்ஸரும் அடங்கும். அவர் டிரிஸ்டன் ஸ்டப்ஸுடன் இணைந்து 56 ரன்கள் சேர்த்திருந்தார்.
அதன்பின்னர் ஸ்டப்ஸும் 32 ரன்களில் ஆட்டமிழந்தார். கம்மின்ஸ் பந்துவீச்சில் ஸ்கொயர் லெக்கில் கேட்ச் கொடுத்து அவர் வெளியேறினார்.
நேதன் லயன் பந்துவீச்சில் கைல் வெர்ரெய்ன் 13 ரன்களில் ஸ்லிப்பில் கேட்ச் கொடுத்தார். இதனால் தென்னாப்பிரிக்கா 197 ரன்களுக்கு 7 விக்கெட்டுகளை இழந்து தடுமாறியது.
மார்கோ யான்சன் 20 பந்துகளில் 26 ரன்கள் எடுத்தார். இதில் 6 பவுண்டரிகள் அடங்கும். பின்னர் ஹேசில்வுட் பந்துவீச்சில் கேட்ச் கொடுத்து அவர் ஆட்டமிழந்தார்.
தேநீர் இடைவேளையின்போது தென்னாப்பிரிக்கா 238 ரன்களுக்கு 8 விக்கெட்டுகளை இழந்திருந்தது. கேஷவ் மகாராஜும் சைமன் ஹார்மரும் இணைந்து ஃபாலோ-ஆன் தவிர்க்க வேண்டிய ரன்களை கடந்து அணியை மீட்டனர். இருவரும் இணைந்து அமைத்த 50 ரன் பார்ட்னர்ஷிப் முடிவுக்கு வந்தது. மிட்செல் ஸ்டார்க், மகாராஜை ஆட்டமிழக்கச் செய்து இந்த கூட்டணியைப் பிரித்தார்.
இன்று 4-ம் நாள் ஆட்டத்தை ஆஸ்திரேலியா அணி மொத்தம் 139 ரன்கள் முன்னிலையுடன் தொடங்கும்.
