ஐபிஎல் 2023: விராட் கோலியின் சாதனையை சமன் செய்த தவான்

ராஜஸ்தான் அணிக்கு எதிரான ஆட்டத்தில் பஞ்சாப் கேப்டன் ஷிகர் தவான் 86 ரன் எடுத்தார். அவர் ஐ.பி.எல். போட்டியில் 50-வது முறையாக 50 ரன்னுக்கு மேல் எடுத்துள்ளார். இதன் மூலம் விராட் கோலியின் சாதனையை சமன் செய்தார். அவர் கடந்த சில தினங்களுக்கு முன்பு 50-வது முறையாக 50 ரன்னுக்கு மேல் எடுத்தார். தவான் 2 சதமும், 48 அரை சதமும், விராட் கோலி 5 சதமும், 45 அரை சதமும் அடித்துள்ளனர். விராட் கோலி 216 இன்னிங்சில்தான் 50-வது முறையாக 50 ரன்னுக்கு மேல் எடுத்தார். ஆனால் தவான் 207 இன்னிங்சிலேயே இதை எடுத்து சாதனை புரிந்தார். டேவிட் வார்னர் 60 தடவை (14 சதம், 56 அரை சதம்) 50 ரன்னுக்கு மேல் எடுத்து முதல் இடத்தில் உள்ளார். அவருக்கு அடுத்தப்படியாக தவான், கோலி உள்ளனர்.