Home » வர்த்தகம் செய்திகள் » NEFT மூலம் 24 மணி நேரமும் ஆன்லைன் பேமெண்ட் பண்ணலாம்!
NEFT

NEFT மூலம் 24 மணி நேரமும் ஆன்லைன் பேமெண்ட் பண்ணலாம்!

ரிசர்வ் வங்கி NEFT மூலம் பணம் அனுப்புவதற்கான வசதியை நாளின் 24 மணி நேரமும் பயன்படுத்திக்கொள்ள அனுமதிய அளிப்பதாக அறிவித்துள்ளது.

ரிசர்வ் வங்கி பேமெண்ட் சிஸ்டம் விஷண் 2021 என்ற திட்ட அறிக்கையை வெளியிட்டுள்ளது. இதில், டிசம்பர் 2019 முதல் வாரத்தின் அனைத்து நாட்களிலும் 24 மணி நேரமும் என்.இ.எப்.டி. (NEFT) வழியில் பணத்தை அனுப்புவதற்கு அனுமதி வழங்குவதாகக் கூறியுள்ளது.

என்இஎப்டி முறையில் 2 லட்சம் ரூபாய் வரை உடனடியாக அனுப்ப முடியும். தற்போது, ஒவ்வொரு மாதத்திலும் இரண்டாவது மற்றும் நான்காவது சனிக்கிழமைகள் தவிர, மற்ற அனைத்து நாட்களிலும் காலை 8 மணி மதுல் இரவு 7 மணி வரை மட்டுமே NEFT மூலம் பணம் அனுப்ப முடியும். வரும் டிசம்பர் முதல் இந்த எல்லை தளர்த்தப்பட்டு 24×7 அடிப்படையில் NEFT பரிவர்த்தனையை அனுமதிக்க உள்ளது.

அவசர பணத் தேவையா? 10 வழிகளில் கடன் பெறுவது எப்படி?

முன்னதாக, அதிக அளவு பணத்தை உடனடியாக அனுப்புவதற்கு பயன்படும் ஆர்.டி.ஜி.எஸ். (RTGS) வசதிக்கான நேரத்தை ஆர்பிஐ ஏற்கெனவே மாற்றியுள்ளது. காலை 8 மணி முதல் மாலை 4.30 மணி வரை இருந்த ஆர்டிஜிஎஸ் பரிவர்த்தனைக்கான நேரத்தை மாலை 6 மணி வரை நீடித்திருக்கிறது. இது ஜூன் 1ஆம் தேதி முதலே அமலுக்கு வந்துள்ளது.

சென்ற ஜூன் மாதத்தில் NEFT மற்றும் RTGS பரிவர்த்தனைகளுக்காக வசூலித்து வந்த கட்டணத்தையும் ரத்து செய்துள்ளது. இதன் விளைவாக ஸ்டேட் வங்கி தனது வாடிக்கையாளர்களுக்கு கட்டணமில்லா NEFT மற்றும் RTGS பரிவர்த்தனைகளை வழங்குகிறது. இதனை எஸ்பிஐ ஆகஸ்ட் 1 முதல் அமல்படுத்தியது.

மோடியின் 5 ட்ரில்லியன் இலக்கு பகல் கனவா?

இதனிடையே, புதன்கிழமை ரிசர்வ் வங்கி ரோபோ வட்டி விகிதத்தை தொடர்ந்து நான்காவது முறையாக குறைத்துள்ளது. 0.35 சதவீதம் குறைக்கப்பட்டு 5.4 சதவீதமாக நிர்ணயிக்கப்பட்டுள்ளது. கடந்த 9 ஆண்டுகளில் குறைவான ரெபோ வட்டி விகிதம் இது. இதனால் கடன்கள் மீதான வட்டியும் குறைய வாய்ப்பு ஏற்பட்டுள்ளது.

ரியல் டைம் செட்டில்மெண்ட் சிஸ்டம் (Real Time Gross Settlement System) என்பது பெரிய தொகைகளின் பரிவர்த்தனைக்கானது. நேஷனல் எலெக்ட்ரானிக் பண்டு டிரான்ஸ்பர் (National Electronic Funds Transfer) என்பது 2 லட்சம் ரூபாய்க்கு உட்பட்ட தொகைகளின் பரிவர்த்தனைக்குரியது.