Home » வர்த்தகம் செய்திகள் » உங்கள் சொந்த வீடு இதோ! 1.23 லட்சம் புதிய வீடுகள் கட்ட அரசு அனுமதி
housing-bccl

உங்கள் சொந்த வீடு இதோ! 1.23 லட்சம் புதிய வீடுகள் கட்ட அரசு அனுமதி

ஹைலைட்ஸ்

பிரதமரின் வீட்டுவசதி திட்டத்தில் புதிய வீடுகள் கட்ட ஒப்புதல்.

1.23 லட்சம் வீடுகள் 4,988 கோடி ரூபாய் முதலீட்டில் கட்டப்பட உள்ளன.

மத்திய அரசு பிரதமரின் நகர்புற வீட்டு வசதி திட்டத்தின் கீழ் 1.23 லட்சம் வீடுகள் கட்டுவதற்கான அனுமதியை வழங்கியுள்ளது.

பிரதமரின் நகர்ப்புற வீட்டு வசதித் திட்டத்தின் கீழ் புதிதாக 1.23 வீடுகளைக் கட்டுவதற்கான அனுமதியை மத்திய ஒப்புதல் மற்றும் கண்காணிப்புக் குழு (Central Sanctioning and Monitoring Committee) புதன்கிழமையன்று தந்திருக்கிறது. இதன் மூலம் இத்திட்டத்தின் கீழ் ஒப்புதல் அளிக்கப்பட்ட வீடுகள் எண்ணிக்கை 90 லட்சத்தை எட்டியுள்ளது.

மத்திய வீட்டுவசதி மற்றும் நகர்புற விவகாரங்கள் துறையின் செயலாளர் துர்கா சங்கர் தலைமையிலான மத்திய ஒப்புதல் மற்றும் கண்காணிப்புக் குழு பல்வேறு மாநிலங்களில் இருந்து வந்த 630 விண்ணப்பங்களுக்கு ஒப்புதல் அளித்துள்ளது.

இந்த ஒப்புதலைத் தொடர்ந்து 1.23 லட்சம் வீடுகள் 4,988 கோடி ரூபாய் முதலீட்டில் கட்டப்பட உள்ளன என குழு அந்தக் தந்திருக்கும் தகவலில் சொல்லப்பட்டிருக்கிறது.

இரண்டாவது அதிகபட்சமாக தமிழ்நாட்டில் 26,709 வீடுகள் கட்டுவதற்கு ஒப்புதல் கிடைத்துள்ளது. அதிகபட்ச அளவாக மேற்கு வங்க மாநிலத்தில் 27,746 வீடுகளுக்கு அனுமதி பெறப்பட்டுள்ளது.

முதலீடு செய்ய இதுதான் பொன்னான வாய்ப்பு: பிரதமர் மோடி

குஜராத்தில் 20,903, பஞ்சாபில் 10,332, சத்தீஸ்கரில் 10,079, ஜார்க்கண்டின் 8,674, மத்தியப் பிரதேசத்தில் 8,314, கர்னாடகத்தில் 5,021, ராஜஸ்தானில் 2,822 மற்றும் உத்தராகண்டில் 2,501 வீடுகளை பிரதமரின் நகர்ப்புற வீட்டு வசதித் திட்டத்தின் கீழ் கட்ட ஒப்பதல் கொடுக்கப்பட்டுள்ளது.

பிரதமரின் நகர்ப்புற வீட்டு வசதித் திட்டம் 1.12 கோடி வீடுகளை 2022ஆம் ஆண்டுக்குள் கட்ட இலக்கு வைத்துள்ளது. இதில் 90 லட்சம் வீடுகளுக்கு அனுமதி கொடுத்துவிட்ட நிலையில், மேலும் குறைந்தபட்சம் 22 லட்சம் வீடுகளுக்கான ஒப்புதல் அளிக்கப்படும் வாய்ப்பு இருக்கிறது.

டொவ் ஜோன் நிலைத்தன்மை பட்டியலில் 12 இந்திய நிறுவனங்கள்

இதுவரை இத்திட்டத்துக்காக 5.54 லட்சம் கோடி ரூபாய் முதலீடு செய்யப்பட்டுள்ளது. இதில் 3.01 லட்சம் கோடி ரூபாய் மத்திய அரசு நிதியும் 2.53 லட்சம் கோடி ரூபாய் தனியார் முதலீடுகளும் அடங்கும் என அமைச்சகத்தின் தகவலில் கூறப்படுகிறது. 53.5 லட்சம் வீடுகள் தற்போது வரை கட்டப்பட்டு வருகின்றன என்றும் அமைச்சகம் தெரிவிக்கிறது.

கடந்த மாதம் மத்திய வீட்டுவசதி மற்றும் நகர்ப்புற விவகாரங்கள் துறை அமைச்சர் ஹர்தீப் சிங் பூரி நிகழ்ச்சி ஒன்றில் பேசும்போது, “அனைவருக்கும் வீடு என்ற இலக்கு நிர்ணயிக்கப்பட்ட காலக்கெடுவுக்கு இரண்டு ஆண்டுகள் முன்பாகவே, 2020ஆம் ஆண்டுக்குள் பூர்த்தி செய்யப்பட்டுவிடும்” என்று கூறினார்.