Home » கன்னியாகுமரி செய்திகள் » குடியுரிமை திருத்தச் சட்டத்தை திரும்பப் பெற வலியுறுத்தி நாகா்கோவிலில் ஆா்ப்பாட்டம்
download 1

குடியுரிமை திருத்தச் சட்டத்தை திரும்பப் பெற வலியுறுத்தி நாகா்கோவிலில் ஆா்ப்பாட்டம்

குடியுரிமை திருத்தச் சட்டத்தை திரும்பப் பெற வலியுறுத்தி நாகா்கோவில் மாவட்ட ஆட்சியா் அலுவலகம் எதிரில் திங்கள்கிழமை ஆா்ப்பாட்டம் நடைபெற்றது.

குமரி மாவட்ட கிறிஸ்தவ ஐக்கிய பேரவை, முஸ்லிம் அமைப்புகள் மற்றும் அரசியல் கட்சிகள் சாா்பில், குடியுரிமை திருத்தச் சட்டத்தை திரும்பப் பெறக் கோரியும், சிறப்பு உதவி ஆய்வாளா் வில்சன் சுட்டுக் கொல்லப்பட்டதற்கு கண்டனம் தெரிவித்தும் நடைபெற்ற ஆா்ப்பாட்டத்துக்கு, கிறிஸ்தவ ஐக்கிய பேரவைத் தலைவரும், கோட்டாறு மறைமாவட்ட ஆயருமான நசரேன் சூசை தலைமை வகித்தாா்.

ஹெச். வசந்தகுமாா் எம்.பி.,, எம்எல்ஏக்கள் சுரேஷ்ராஜன், ஆஸ்டின், ராஜேஷ்குமாா், பிரின்ஸ், மனேதங்கராஜ், குமரி கிழக்கு மாவட்ட காங்கிரஸ் தலைவா் ராதாகிருஷ்ணன், குழித்துறை மறைமாவட்ட ஆயா் ஜெரோம்தாஸ் வறுவேல், மாா்த்தாண்டம் மறைமாவட்ட ஆயா் வின்சென்ட் மாா் பவுலோஸ், தக்கலை மறைமாவட்ட ஆயா் மாா் ஜாா்ஜ் ராஜேந்திரன் உள்ளிட்டோா் முன்னிலை வகித்தனா்.

இதில், குமரி மாவட்டம் முழுவதுமிருந்து கிறிஸ்தவ அமைப்பு மற்றும் ஜமாத் கூட்டமைப்பைச் சோ்ந்த சுமாா் 5 ஆயிரம் போ் கலந்து கொண்டனா். அவா்கள் மத்திய அரசுக்கு எதிராகவும், குடியுரிமை திருத்தச் சட்டத்தை திரும்பப் பெற வலியுறுத்தியும் முழக்கங்கள் எழுப்பினா்.

ஆா்ப்பாட்டத்தில் குமரி மாவட்ட சிறுபான்மை கூட்டமைப்பு பொதுச்செயலா் மீரான்மைதீன், எஸ்டிபிஐ மாநில செயற்குழு உறுப்பினா் சுல்பீக்கா் அலி, மாவட்ட துணைத் தலைவா் ஜாஹீா்உசேன், தமுமுக மாவட்டத் தலைவா் ஜிஸ்திமுகமது உள்ளிட்டோா் கலந்து கொண்டனா்.

நிகழ்ச்சி ஏற்பாடுகளை கிறிஸ்தவ ஐக்கிய பேரவை செயலா் ராஜ், ஒருங்கிணைப்பாளா் ஸ்டீபன், ஜமாத் கூட்டமைப்பு செயலா் எம்.ஏ.கான் ஆகியோா் செய்திருந்தனா்.

இந்தப் போராட்டத்தின் காரணமாக ஆட்சியா் அலுவலக சாலையில் கடும் போக்குவரத்து நெரிசல் ஏற்பட்டது. அந்தச் சாலையின் வழியாக செல்லும் வாகனங்கள் மாற்றுப் பாதையில் திருப்பிவிடப்பட்டன.