Home » வர்த்தகம் செய்திகள் » சர்க்கரை ஆலைகளுக்கு இது கசப்பான காலம்!
Sugar-factory

சர்க்கரை ஆலைகளுக்கு இது கசப்பான காலம்!

இந்தியாவின் சர்க்கரை உற்பத்தி குறித்த முதற்கட்ட மதிப்பீடுகளை இந்திய சர்க்கரை ஆலைகள் கூட்டமைப்பு வெளியிட்டுள்ளது. அதன்படி, இந்த ஆண்டின் அக்டோபர் முதல் நவம்பர் 15ஆம் தேதி வரையில் சர்க்கரை ஆலைகள் மொத்தம் 4.9 லட்சம் டன் அளவு சர்க்கரையை மட்டுமே உற்பத்தி செய்துள்ளன. ஆனால் 2018ஆம் ஆண்டின் இதே காலத்தில் சர்க்கரை உற்பத்தி அளவு 6.3 லட்சம் டன்னாக இருந்தது. இது 64 சதவீதம் வீழ்ச்சியாகும்.

இந்தாங்கோ வாங்கிக்கங்கோ… கடனை வாரி வழங்கிய வங்கிகள்!வறட்சி காரணமாகக் கரும்பு உற்பத்தி குறைந்து அதனால் சர்க்கரை உற்பத்தி குறைந்திருந்தாலும், சர்க்கரை ஆலைகள் சரியாக இயங்காமல் இருந்ததும் சர்க்கரை உற்பத்தி குறைந்ததற்குக் காரணமாகக் கூறப்படுகிறது. சென்ற ஆண்டின் சந்தைப் பருவத்தில் மகாராஷ்டிர மாநிலத்தில் 149 ஆலைகள் கரும்பு நசுக்கும் பணியில் ஈடுபட்டிருந்தன. ஆனால் இந்த ஆண்டில் அங்கு ஒரு ஆலைகூட கரும்பு நசுக்கும் பணியில் ஈடுபடவில்லை.

அதுக்கு வாய்ப்பே இல்லை – பொருளாதார வளர்ச்சி குறித்து சி.ரங்கராஜன் கருத்து!கர்நாடக மாநிலத்தில் இதுவரையில் 18 ஆலைகள் இணைந்து மொத்தம் 1.43 லட்சம் டன் அளவு சர்க்கரையை உற்பத்தி செய்துள்ளன. ஆனால், 2018ஆம் ஆண்டில் அங்கு 53 ஆலைகள் இணைந்து 3.6 லட்சம் டன் சர்க்கரையை உற்பத்தி செய்திருந்தன. சென்ற ஆண்டில் மகாராஷ்டிரா, கர்நாடகாவில் வறட்சி காரணமாகக் கரும்பு விதைப்புப் பரப்பு 30 சதவீதம் வரையில் குறைந்ததாகவும், அதனால் சர்க்கரை உற்பத்தியில் பின்னடைவு ஏற்பட்டுள்ளதாகவும் சர்க்கரை ஆலைகள் கூட்டமைப்பு தெரிவித்துள்ளது.

மீனவர்களைச் சென்றடையாத கடன் அட்டைத் திட்டம்!உத்தரப் பிரதேசத்தில் 69 ஆலைகள் இணைந்து 2.9 லட்சம் டன் சர்க்கரையை உற்பத்தி செய்துள்ளன. 2018ஆம் ஆண்டில் அங்கு 69 ஆலைகள் இணைந்து 1.76 லட்சம் டன் சர்க்கரையை மட்டுமே உற்பத்தி செய்திருந்தன. தமிழகத்தில் 5 சர்க்கரை ஆலைகள் கரும்பு நசுக்கும் பணியில் ஈடுபட்டுள்ளன.

டிஹெச்எப்எல் மீது திவால் நடவடிக்கை எடுக்கிறது ஆர்பிஐ உள்நாட்டில் தேவையைப் பூர்த்தி செய்யவும், ஏற்றுமதிக்காகவும் 40.6 மில்லியன் டன் சர்க்கரை இருப்பில் இருக்கும் என்று கேர் ரேட்டிங்ஸ் நிறுவனம் தெரிவித்துள்ளது. உள்நாட்டுத் தேவை 26.7 மில்லியன் டன்னாக இருக்கும் எனவும் மதிப்பிடப்பட்டுள்ளது.