Home » வர்த்தகம் செய்திகள் » வங்கிக்கடன், டெபாசிட் 10% அதிகரிப்பு: ஆர்பிஐ தகவல்
loans-bccl

வங்கிக்கடன், டெபாசிட் 10% அதிகரிப்பு: ஆர்பிஐ தகவல்

ஹைலைட்ஸ்

ஓராண்டுக்கு முன்பு இதே காலக்கட்டத்தில் வங்கிக் கடன் வளர்ச்சி 87.98 லட்சம் கோடியாகவும் டெபாசிட் வளர்ச்சி 115.63 கோடியாகவும் இருந்திருக்கிறது.

வங்கிக்கடன் மற்றும் டெபாசிட் 10 சதவீதத்துக்கு மேல் உயர்ந்ததாக ஆர்பிஐ தகவல்.

கடன் வளர்ச்சி 10.26 சதவீதம். டெபாசிட் வளர்ச்சி 10.02 சதவீதம்.

செப்டம்பர் 13ஆம் தேதியோடு முடிந்த இரு வார காலத்தில் வங்கிக்கடன் மற்றும் டெபாசிட் ஆகியவை 10 சதவீதத்துக்கு மேல் உயர்ந்ததாக இந்திய ரிசர்வ் வங்கி தெரிவித்துள்ளது.

இது பற்றி ரிசர்வ் வங்கி வெளியிட்டிருக்கும் சமீபத்திய அறிக்கையில், செப்டம்பர் 13இல் முடிந்த இரு வாரத்தில் வங்கிக் கடன்கள் 97.01 லட்சம் கோடியும் டெபாசிட் 127.22 லட்சம் கோடியும் அதிகரித்துள்ளதாகக் கூறப்பட்டுள்ளது.

ஓராண்டுக்கு முன்பு இதே காலக்கட்டத்தில் வங்கிக் கடன் வளர்ச்சி 87.98 லட்சம் கோடியாகவும் டெபாசிட் வளர்ச்சி 115.63 கோடியாகவும் இருந்திருக்கிறது. அதாவது கடன் வளர்ச்சி 10.26 சதவீதமும் டெபாசிட் வளர்ச்சி 10.02 சதவீதமும் கூடியிருக்கின்றன.

முதலீடு செய்ய இதுதான் பொன்னான வாய்ப்பு: பிரதமர் மோடி

ஆகஸ்ட் 30ஆம் தேதியுடன் முடிந்த முந்தைய இருவார காலத்தில் வங்கிக்கடன் மற்றும் டெபாசிட் வளர்ச்சி ஆகியவை முறையே 10.24 சதவீதம் (96.80 லட்சம் கோடி ரூபாய்) மற்றும் 9.73 சதவீதம் (127.80 லட்சம் கோடி ரூபாய்) வளர்ந்தன.

ஜூலை மாதம், உணவுத்துறை தவிர்த்த பிற துறைகளுக்கு வழங்கப்பட்ட வங்கிக்கடன் (non-food bank credit) ஜூலை 2018இல் இருந்த 10.6 சதவீதத்தை விட சற்று உயர்ந்து, 11.4 சதவீதம் கூடியது.

சேவைகள் துறையில் வழங்கப்பட்ட கடன்கள் கடந்த மாதத்தில் 15.2 சதவீதமாகக் குறைந்துள்ளது. 2018ஆம் ஆண்டின் இதே காலக்கட்டத்தில் இது 23 சதவீதமாக இருந்துள்ளது.

இதைச் செய்யாவிட்டால் உங்கள் பான் கார்டு இருந்தும் பயன் இல்லை!

விவசாயம் சார்ந்த கடன்கள் 6.8 சதவீதமாக உள்ளது. சென்ற ஆண்டு இதே காலத்தில் இது 6.6 சதவீதமாக இருந்தது.

தொழில் நிறுவனங்களுக்கு அளித்த கடன் 6.1 சதவீதம் வளர்ந்துள்ளது. இதுவும் சென்ற ஆண்டின் இதே காலத்தில் இருந்த 0.3 சதவீதத்தில் இருந்து மிகவும் மேம்பட்டுள்ளது.

தனிநபர் கடன்கள் ஜூலை 2018 உடன் ஒப்பிடும்போது சற்று உயர்ந்துள்ளது. அதாவது, ஓராண்டுக்கு முன் 16.7 சதவீதமாக இருந்து 17 சதவீதமாகக் அதிகரித்துள்ளது.