சற்று முன்
Home » வர்த்தகம் செய்திகள் » வருமான வரியை பாதியாகக் குறைக்க மத்திய அரசு திட்டம்
tax

வருமான வரியை பாதியாகக் குறைக்க மத்திய அரசு திட்டம்

ஹைலைட்ஸ்

ரூ. 5 லட்சம் – ரூ.10 லட்சம் ஆண்டு வருமானம் உடையவர்களுக்கு 10% வரி.
2 கோடி ரூபாய்க்கு மேல் வருமானம் பெறுபவர்களுக்கு 35% வரி.

10 லட்சம் வரை ஆண்டு வருமானம் உள்ளவர்களுக்கு வருமான வரியை பாதியாகக் குறைக்க வேண்டும் என மத்திய அரசின் சிறப்பு வரி சீர்திருத்தக் குழுவின் பரிந்துரையில் தெரிவிக்கப்பட்டுள்ளது.

தற்போது உள்ள சுமார் 60 ஆண்டுகள் பழமையான வருமான வரிச் சட்டம் 1961-க்கு மாற்றம் காணும் நோக்கில், மத்திய அரசு அகிலேஷ் ரஞ்சன் குழுவை உருவாக்கியது. இந்தக் குழு ஆகஸ்ட் 19ஆம் தேதி தன் அறிக்கையை நிதி அமைச்சர் நிர்மலா சீதாராமனிடம் சமர்ப்பித்தது.

இதில், தனிநபர் வருமான வரி முறையில் முக்கிய மாற்றம் செய்ய பரிந்துரைக்கப்பட்டுள்ளது எனவும் அந்த மாற்றம் மூலம் நடுத்தரக் குடும்பங்ககள் பயனடையும் எனவும் தகவல் கிடைத்தது.

இந்நிலையில், இந்தக் குழு வழங்கியிருக்கும் அறிக்கையில், 5 லட்சம் ரூபாய் முதல் 10 லட்சம் ரூபாய் வரை ஆண்டு வருமானம் உடையவர்களுக்கான வருமான வரி விகிதத்தை 20 சதவீதத்தில் இருந்து 10 சதவீதமாகக் குறைக்க வேண்டும் என்று கூறப்பட்டுள்ளதாக தெரியவந்துள்ளது.

20 லட்சம் ரூபாய் முதல் 2 கோடி ரூபாய் வரை வருவாய் ஈட்டுபவர்களுக்கு 30 சதவீதம் வரி விதிக்க வேண்டும் எனவும் தெரிவித்துள்ளது. 2 கோடி ரூபாய்க்கு மேல் வருமானம் பெறுபவர்களிடம் 35 சதவீதம் வரியை வசூலிக்க வேண்டும் எனவும் பரிந்துரைத்துள்ளது எனவும் கூறப்படுகிறது.

2.5 லட்சம் ரூபாய் வரை ஆண்டு வருமானம் உடையவர்களுக்கு தொடர்ந்து வரி விலக்கு அளிக்கவும் இந்தக் குழு வலியிறுத்தியுள்ளதாகவும் தெரிகிறது.

நீண்ட கால மூலதன ஆதாய வரியையும் பத்திர பரிவர்த்தனை வரி ஆகியவற்றை வைத்துக்கொண்டு, டிவிடெண்ட் வரியை ரத்து செய்ய வேண்டும் என்பன உள்ளிட்ட பரிந்துரைகளில் இதில் இருப்பதாகக் தகவல்கள் தெரிவிக்கின்றன.