Templates by BIGtheme NET
Home » விளையாட்டுச்செய்திகள் » பாகிஸ்தானுக்கு எதிரான ஒரு நாள் கிரிக்கெட்: நியூசிலாந்து வீரர் ‘ஹாட்ரிக்’ விக்கெட் வீழ்த்தி அசத்தல்
Against-Pakistan-One-Day-CricketNew-Zealand

பாகிஸ்தானுக்கு எதிரான ஒரு நாள் கிரிக்கெட்: நியூசிலாந்து வீரர் ‘ஹாட்ரிக்’ விக்கெட் வீழ்த்தி அசத்தல்

அபுதாபி,

பாகிஸ்தான் – நியூசிலாந்து அணிகள் இடையிலான முதலாவது ஒரு நாள் கிரிக்கெட் போட்டி அபுதாபியில் நேற்று பகல்–இரவு மோதலாக நடந்தது. இதில் முதலில் பேட் செய்த நியூசிலாந்து அணி 9 விக்கெட் இழப்புக்கு 266 ரன்கள் சேர்த்தது. ராஸ் டெய்லர் (80 ரன்), டாம் லாதம் (68 ரன்) அரைசதம் அடித்தனர்.

தொடர்ந்து ஆடிய பாகிஸ்தான் பேட்ஸ்மேன்கள் திணறினர். 27 ஓவர் முடிந்திருந்த போது அந்த அணி 6 விக்கெட்டுக்கு 100 ரன்களுடன் தத்தளித்துக் கொண்டிருந்தது. பஹார் ஜமான் (1 ரன்), பாபர் அசாம் (0), முகமது ஹபீஸ் (0) ஆகியோரின் விக்கெட்டுகளை நியூசிலாந்து வேகப்பந்து வீச்சாளர் டிரென்ட் பவுல்ட் வரிசையாக கபளீகரம் செய்து ‘ஹாட்ரிக்’ சாதனை படைத்தார். ‘ஹாட்ரிக்’ விக்கெட் வீழ்த்திய 3–வது நியூசிலாந்து வீரர் பவுல்ட் ஆவார். டேனி மோரிசன் (இந்தியாவுக்கு எதிராக, 1994–ம் ஆண்டு), ஷேன் பான்ட் (ஆஸ்திரேலியாவுக்கு எதிராக, 2007) ஆகியோர் ஏற்கனவே நியூசிலாந்து அணியில் ‘ஹாட்ரிக்’ சாதனை படைத்தவர்கள் ஆவர்.