Templates by BIGtheme NET

நண்பர்களால் குத்திக் கொலை செய்யப்பட்ட 16 வயது மாணவன்

புதுடெல்லி:

தலைநகர் டெல்லியில் 16 வயது மாணவன் தன்னுடைய நண்பர்களால் குத்திக் கொலை செய்யப்பட்ட கொடூரம் அதிர்ச்சியை ஏற்படுத்தியுள்ளது.

தலைநகர் டெல்லியில் கோவிந்த்புரி அருகே உள்ள நவஜீவன் கேம்ப் பகுதியைச் சேர்ந்த 10-ம் வகுப்பு மாணவன் முகம்மது வாசிம் அங்குள்ள அரசு பள்ளியில் பயின்று வருகிறார். நேற்றிரவு வெகு நேரமாகியும் வாசிம் வீடு திரும்பாததால் அவரது தந்தை வாசிமை தேட தொடங்கியுள்ளார்.

அப்போது அவர் வீட்டருகே உள்ள பூங்கா ஒன்றில் வாசிம் ரத்த வெள்ளத்தில் பிணமாக கிடந்துள்ளார். அவரது உடலின் பல இடங்களில் கத்தியால் குத்தப்பட்ட காயங்கள் இருந்துள்ளன. இது குறித்து வழக்கு பதிவு செய்துள்ள போலீசார் பிரேதத்தை பரிசோதனைக்காக அனுப்பி வைத்தனர்.

வாசிம் அப்பகுதியில் உள்ள பிட்பாக்கெட் திருடர்களுடன் பழக்கம் வைத்திருந்ததாகவும், பணம் பிரிப்பது போன்ற தகராறுகளில் அவர் கொல்லப்பட்டிருக்கலாம் என போலீசார் நடத்திய முதல் கட்ட விசாரணையில் தெரியவந்துள்ளது. இதனையடுத்து, தலைமறைவாக இருக்கும் வாசிமின் நண்பர்களை தீவிரமாக தேடும் பணியில் போலீசார் ஈடுபட்டுள்ளனர்.

Leave a Reply

Your email address will not be published. Required fields are marked *

*