சற்று முன்
Home » வர்த்தகம் செய்திகள் » அமெரிக்கா, சீனா வர்த்தகப் போர்: சரிவில் முடிந்த இந்திய பங்குச் சந்தை!!
sensex-down

அமெரிக்கா, சீனா வர்த்தகப் போர்: சரிவில் முடிந்த இந்திய பங்குச் சந்தை!!

அமெரிக்கா, சீனா இடையே வர்த்தகப் போர் நிலவி வரும் நிலையில் இதன் தாக்கம் இந்திய பங்குச் சந்தையிலும் எதிரொலித்தது.

சென்செக்ஸ் சுமார் 407 புள்ளிகள் குறைந்து 39,194 புள்ளிகளில் முடிந்தது. 50 பங்குகளைக் கொண்ட நிப்டி 108 புள்ளிகள் குறைந்து 11,724 புள்ளிகளில் முடிந்தது. பொதுவாக வங்கிகளின் பங்கு மதிப்பு குறைந்து காணப்பட்டது. யெஸ் வங்கி மற்றும் மாருதி சுசூகி, ஹெச்டிஎப்சி, ஹீரோ மோட்டோகார்ப், சன் பார்மா ஆகியவற்றின் பங்கு மதிப்பு குறைந்து காணப்பட்டது. ஆட்டோ நிறுவனங்களின் பங்கு மதிப்பும் குறைந்தே காணப்பட்டது. அமெரிக்காவின் பெடரல் வங்கி வரும் வாரங்களில் வட்டி குறைப்பு செய்யலாம் என்று கூறப்பட்டு வருவதால். இதன் தாக்கமும் இந்திய சந்தையில் எதிரொலித்துள்ளது.

மேலும், தென்மேற்குப் பருவமழை காலம் தாமதித்து துவங்கி இருப்பதும், இந்திய பட்ஜெட்டை ஜூலை 5ஆம் தேதி நிதியமைச்சர் நிர்மலா சீதாராமன் தாக்கல் செய்ய இருப்பதும் பங்குச் சந்தையில் எதிரொலித்துள்ளது. வரும் நாட்களில் முக்கிய நிகழ்வுகள் நடக்க இருப்பதால், அவசரப்பட்டு எந்த முடிவையும் முதலீட்டாளர்கள் எடுக்கக் கூடாது என்று பொருளாதார ஆய்வாளர்கள் கருத்து தெரிவித்துள்ளனர்.

இதற்கிடையே அமெரிக்காவும், சீனாவும் வர்த்தகம் குறித்து பேச இருக்கும் நிலையில் சீனாவின் பங்குச் சந்தை உயர்வில் முடிந்துள்ளது.